მოგესალმებით! ეს გვერდი არის დამხმარე ხელსაწყო იმ ადამიანებისთვის ვინც დაინტერესებულია მიღმიერით, სიზმრებით, აბსტრაქტული და ამოუცნობი სამყაროებით. ბლოგზე განთავსებული ინფორმაცია განკუთვნილია თვითშემეცნებისთვის.
როდესაც ყველას ეძინა, როდესაც ყველა ისვენებს მოლა ნასრედინს მოუვიდა ასეთი იდეა, მოდი მუსიკის გამოყენებით განვკურნავ ჩემს თავს. მოგეხსენებათ წარსულის ტკივილი, წარუმატებლობა და ყველანაირი ნეგატივი უმრავლესობა ადამიანებში არის ყველაზე დაბალ ჩაკრაში, რადგან ეს ადგილი პასუხს აგებს მიწიერ საკითხებზე, გამრავლება, ბრძოლა, თვითგადარჩენა, ხოლო უარყოფითი და აგრესიული აზრები ხშირად ილექება ამ არეებში. როდესაც ენერგიამ გამოავლინა თავი სამყაროში ყველანაირი სტანდარტი გაქრა, შევამჩნიე რომ არ შემეძლო ყურსასმენების გაკეთება რადგან უბრალოდ ამ მდგომარეობაში ისინი ამებლანდა და ბოლოს უბრალოდ დავიკიდე, და დავწექი საწოლში. აქ დაიწყო რაც დაიწყო, ბევრი რამ მოხდა, უბრალოდ ძნელია დამახსოვრება მაგრამ ზოგი რამ მახსოვს. ჩემი სხეული ცახცახებდა მანამდეც და მერეც და ვგრძნობდი როგორ "გადამეფარა" ენერგეტიკული ბადე, რომ წარმოვიდგინოთ ეს გავდა სუპერ თანამედროვე "უცხოპლანეტელების" დანადგარს რომელიც "მუშაობს" ადამიანის სხეულზე და აჯანსაღებს მას. მახსოვს რომ დამელაპარაკა ნაძვის სული, ვგულისხმობ ყველა იმ სახეობას რომელიც ნაძვის ჯიშისაა, შეიძლება კედარი, და მე დავიწყე პირველადი ჰაერის სუნთქვა, ვგრძნობდი გარეთ და დედამიწაზე ქარების ბერვას და სურნელს ხოლო ნაძვი მასაჩუქრებდა ახალი ჟანგბადით და ვიფიქრე რომ ეს მცენარე მასწავლებელია სხვა მცენარეებთან ერთად, ჩემი სხეული ისე მოდუნდა რომ მთელი ჩემი ცხოვრების დარდი, სიმძიმე და უთანხმოება უბრალოდ გაქრა! ეს იყო აბსოლუტური ნეტარების მდგომარეობა ხოლო სადღაც შიგნიდან ძუძუსთავებიდან წამოვიდა ცრემლები და ვგრძნობდი შინაგანი ორგანოებიდან წამოსული სტრესი ცრემლის სახით როგორ მიედინებოდა თვალებამდე და როგორ ვიტირე. ეს იყო ღრმა მონანიება და უდიდესი საჩუქარი. შემდეგ კი მარჯვენა ხელის მოძრაობის ფონზე ვგრძნობდი სამყაროს ენერგიათა ციკლების ცვალებადობას და ვაბალანსებდი მათ. მე უკვე აღარ ვიყავი ჩაკეტილი სისტემა, გავერთიანდი სამყაროსთან. შემდეგ კი გამახსენდა რომ მე პიროვნება ვარ, ავიღე ყურსასმენები და ჩავრთე ის მუსიკა და ამ მუსიკამ გამაოცა, მეტი და მეტი განკურნება მოდიოდა ჩემთან. ეს მუსიკა გადმოვწერე, ის შევიდა ჩემი მუსიკების შედევრების სიაში.
პ.ს ხო მართლა, დამავიწყდა დამეწერა რომ ეს ყველაფერი მოხდა მინერალებთან და კრისტალებთან ერთად რომელიც ჩემი ბალიშის ქვეშ ელაგა.
